La luna nova,
'ncopp'a lu mare,
stènne na fascia
d'argiento fino...
Dint'a la varca,
lu marenaro,
quase s'addorme
cu 'a rezza 'nzino...
Nun durmí,
scétate, oje marená',
vótta 'sta rezza, penza a vucá!...
Dorme e suspira stu marenaro,
se sta sunnanno la 'nnammurata...
Zitto e cujeto se sta lu mare,
pure la luna se nc'è 'ncantata...
Luna d'argiento, lass''o sunná,
vásalo 'nfronte...
nun 'o scetá!...
Nessun commento:
Posta un commento