Nuvole....tanta nuvole p' 'o cieloaddò na luna avara stà durmenno
cummogliono stà Napule c' 'o velo
'e na cuperta ricamata argiento.
Pè ll'aria 'o suono doce 'e na zampogne
pare dicesse: " 'O vvi' stammo a Natale"
Cercammo 'e cancella' d' 'a mente 'e guaje
pienza a fa' bbene, scòrdate d' 'o mmale.
Fora a' na chiesa ride nu pezzente
ringrazia a chi l'ha dato mille lire
e tene mente a chi nun ce da' niente
comme pe' di' : "Stò cca' che d'è nun vide?"
Chesta città ch'ha sbalurdite 'o munno
è sempe bella, è tutta nu splennore
comme a chi dorme e fa' nu bellu suonno
'e nu Natale arravugliato d'oro!
Nessun commento:
Posta un commento